Sh�rbimi Doganor i Kosov�s

Taksat të cilat paguhen me rastin e kalimit të kufirit të Kosovës janë:
a)Taksa doganore e cila iu nënshtrohet mallrave me rastin e kalimit të kufirit dhe paguhet 10% në vlerë të mallit;
b)Taksa e akcizës e cila është një taksë e veçantë selektive që i’u vihet një numri të caktuar të mallrave të tatueshme që lëshohen për konsum të lirë me qëllim të arritjes së efekteve të caktuara dhe paguhet në vlerë të mallit apo sipas njësisë matëse(specifike).
c)TVSH e cila është një taksë e cila mblidhet në kufi nga Shërbimi Doganor në emër të administratës tatimore dhe paguhet 16% në vlerë të mallit.

Pikë së pari për të fituar të drejtën për eksport/import duhet të pajiseni me Certifikatën për eksport-import apo siç njihet ndryshe Certifikata Doganore (e cila merret në zyrën për regjistrimin e bizneseve që gjendet në drejtorinë e Shërbimit Doganor), CMR-fletëngarkesa, fatura, paking lista, EUR1-certifikata e origjinës së mallit nga vendet me të cilat Kosova ka Marrëveshje të Tregtisë së Lirë (momentalisht me Maqedoninë, Shqipërinë, Kroacinë dhe Bosnjë e Hercegovinë).

Kufizimi në import të veturave vlen atëherë nëse vetura është mbi 8 vjet i vjetër nga data e regjistrimit të parë ( mbi 8 vjet amortizim).

Vlera e automjeteve përcaktohet:
a) në bazë të faturës nëse ajo është e paraqitur në vlerë reale, ( vlera e transaksionit)
b) nëse nuk është vlera  transaksionit, atëherë vijnë ne aplikim metodat tjera te vlerësimit.

Veturat lirohen vetëm nëse personi ka statusin e personit te hendikepuar, vetura është e përshtatur për nevoja te tij dhe importohet nga personi i hendikepuar. Sa i përket kufizimit ekziston edhe për këto subjekt.
Vërejtje: Veturat për persona me përcjellës ( të cilët nuk janë fare në gjendje të ngasin veturën)  nuk gëzojnë këtë lirim edhe nëse posedojnë dokument mbi paaftësinë. 

Nëse mallrat janë të importuara nga vendet anëtare të CEFTA-s dhe atë e dëshmon me certifikatën mbi origjinën e mallit (EUR1) nga shteti përkatës at’her lirohet nga taksa doganore prej 10%.

Çdo herë kur mendoni se ju është bërë padrejtësi lidhur me ndonjë procedure doganore mund të paraqitni kërkesë për rishqyrtim me shkrim drejtuar Doganës së Kosovës  dhe at mund ta dorëzoni në degën doganore përkatëse apo në zyrën administrative të doganës që gjendet në Drejtorin e Doganës së Kosovës.

Fillimisht malli i konfiskuar deponohet në depot e Doganës, nëse fjala është për mallrat ushqimore atëherë konstatohet afati i skadimit dhe kontaktohet Ministria e Bujqësis ( Agjensioni Fito – Sanitar – Veterinar) nëse mund të shitet si mall apo jo. Nëse behet fjale për mallrat tjera çdo here kur është e hapur ndonjë procedure ankimore, atëherë pritet vendimi nga ana e Departamentit Ligjor, përkatësisht nga ana e Bordit të Pavarur të Ankesave.

Organizatave Jo-Qeveritare me status te benificuar publik ju hiqet e drejta e lirimit nga pagesa e taksës doganore, me tutje sipas Ligjit Nr. 03/L-114 për TVSH-në paguajnë TVSH-ë, ndërsa janë te liruara prej taksës se akcizës vetëm për: Benzine, Kerozine, naft dhe etanol, kjo sipas aneksit C, te Kodit Doganor dhe te Akcizave Kodi nr. 03/L-109.

Bazuar ne Kodin Doganor dhe te Akcizave Kodi nr. 03/L-109, aneksi A, Kapitulli I, mbi Lirimet nga Detyrimet e Importit, neni 69 Mallrat për Organizata Humanitare ose Bamirësie, lirohen nga detyrimet e importit, përderisa një gjë e tille te mos shkaktoje keqpërdorime apo çrregullime te mëdha te konkurrencës.